太康係夏朝第三任君主，啟個仔。
《太平御覽》話太康在位廿九年。《竹書紀年》就講太康嘅都城喺斟尋（或者叫斟鄩）。史書話太康沉迷打獵，唔理政事，最尾去洛水北岸打獵嗰陣，俾有窮氏部落首領后羿驅逐，返唔到去夏，喺陽夏（而家河南省太康縣西）住咗十年就病死咗。《尚書·夏書·五子之歌》寫咗太康失國嘅事。太康瓜柴後，細佬中康做君主。
