失竊嘅一代
失竊嘅一代（英文：Stolen Generations，有時譯做失竊一代、被偷走嘅一代、被偷一代），係指澳洲政府響1869年至1969年間所實行嘅「同化政策」所影響嘅一代人。
當年澳洲政府認為澳洲原居民「低賤無知」同「將會消失」，所以夾硬將10萬名澳洲原居民細路永久帶去白人家庭或者政府機構照顧，以「白化」原居民，令到澳洲原居民細路要同父母長期分離[1]；加上當時多數嘅白人家庭歧視澳洲原居民，往往虐打佢哋同迫使佢哋忘記自己嘅語言文化，學習白人嘅語言同生活方式，甚至乎俾人性侵犯，亦都缺乏接受正當教育嘅機會，令到大部份澳洲原居民喺心理同生理上都受到傷害[2]。
1997年，首次有澳洲國會議員要求時任澳洲總理約翰·何華德道歉，佢以「呢個係上一代政府嘅錯」為理由，拒絕道歉；之後響2008年，時任總理陸克文喺澳洲國會上正式向澳洲原居民表示歉意[3]，又承諾會改善佢哋嘅生活水平。
參考
編輯- ↑ 〈澳洲總理陸克文提案正式向原住民道歉〉。《亞洲時報》。2008年2月12號。原著喺2014年3月24號歸檔。喺2008-02-14搵到。
- ↑ 〈澳洲政府向原住民道歉 錯誤政策造成「失竊一代」〉。ETtoday.com。2008年2月13號。原著喺2008-02-14歸檔。喺2008-02-14搵到。
- ↑ 〈陸克文 (Kevin Rudd) 總理〉。師大國語中心校友會。原著喺2014年1月21號歸檔。喺2014年2月13號搵到。