《失衡凶間之惡念之最》（英文：Tales from the Occult：Ultimate Malevolence），係2023年上畫嘅港產片，《失衡凶間》同《失衡凶間之罪與殺》續作，由另外3個單元故仔《要命的溫柔》、《逃殺》、《死亡回憶》組成，由姜皓文、朱栢謙、陳湛文、柯煒林、何穎璇、林千渟、盧慧敏、周祉君、吳鳳鳴、張凱娸、張滿源、黃錠江主演，李志毅、李巨源、黃炳耀執導。
因為同系列頭兩套作品票房同口碑都失利，到呢套作品喺香港公映嗰陣，得兩間九龍油尖旺區嘅戲院肯上。
