奧尼爾 (體育品牌)

  想搵第二個意思嘅話，請睇奧尼爾 (搞清楚)。

奧尼爾（英文：O'Neills；全稱「奧尼爾愛爾蘭國際體育有限公司」）係愛爾蘭島最大嘅運動用品製造商。

奧尼爾

源自	愛爾蘭
出售	1918年
官網	https://www.oneills.com

歷史

奧尼爾公司由查爾斯·奧尼爾（Charles O'Neill）1918年喺都柏林市中心建立，一開始主要生產蓋爾式足球用球同板棍球用球。1955年查爾斯·奧尼爾過身之後，佢個仔接管徂奧尼爾公司，開始涉足體育服裝。20世紀80年代，為徂應對日益增長嘅訂單數量，奧尼爾公司引入徂機械化紡織，而車間亦都由市中心搬徂去郊外嘅華堅鎮（Baile Bhailcín）。後來奧尼爾公司重係同加爾城堡郡接壤嘅北愛爾蘭白山谷市建立徂第二座生產車間。

同樣喺20世紀80年代，奧尼爾公司曾經因為喺制服膊頭部位用三間設計，而被西德巨頭阿迪達斯告上法庭。但係最後愛爾蘭最高法院裁定：三間設計「唔足以令到消費者誤以為佢等買嘅係阿迪達斯嘅產品」，因此奧尼爾公司採用三間設計並未侵犯阿迪達斯嘅版權。