奧運廢棄場館
為咗達到舉辦奧運賽事場地嘅標準，好多城市攞到奧運主辦權之後，都會使好多錢，興建全新嘅場地，但呢啲場地喺奧運完結之後，唔少都會被荒廢。而興建同維護呢啲設施，往往產生唔少成本，包括借貸利息同土地嘅機會成本等。亦因為咁樣，有一啲人會反對自己嘅城市舉辦奧運[1][2]。
各地情況
編輯北京
編輯北京喺2008年首次主辦奧運會，當時花咗470億美元爭取主辦，200 億人民幣用嚟起咗12座新場館同搭建8座臨時場館。當年北京標榜自己要搞綠色奧運，但當時就已經剷平無數嘅古宅，10年之後更加只剩低北京國家體育場有繼續維修同埋使用。有一啲臨時搭建嘅場館被棄置。喺石景山區，本來用嚟舉辦BMX比賽嘅老山小輪車賽場，已經變成一個小森林，連賽道都搵唔到。自行車賽事場地被蔓延雜草淹沒，完全睇唔到車道，看台座位亦生嗮青苔。而划艇用嘅室外場地，水道已經無咗水流，一遍荒蕪。另外，位於朝陽公園嘅沙灘排球場，亦日久失修，連看台上面嘅枱櫈都殘破不全；以京奧吉祥物福娃為造型嘅大型雕像亦被棄置喺叢林入面[3][4][5][6]。
但就算係仍然會用嘅北京國家體育場，每年都要花一千萬美元維護，而且只係偶然使用，好多時候都只係畀遊客參觀[2]。
雅典
編輯雅典當年因應2004年奧運起咗22 座場館，大部分喺比賽之後都閒置咗，政府為咗維修呢啲閒置場館，花費高達7.84 億美元[1]。雖然計劃入面，係有諗過點樣將呢啲支持變成民用，但最終都冇辦法實現[2]。
雅典奧運村而家被塗鴉覆蓋、完全廢棄，政府亦無錢重建[6]。
里約熱內盧
編輯例外情況
編輯參考
編輯- ↑ 1.0 1.1 〈【奧運大白象】六個賽後廢棄的場館 雅典經驗與東京對策 | 立場報道 | 立場新聞〉。《立場新聞 Stand News》。原著喺2021-07-26歸檔。喺2021-07-26搵到。
- ↑ 2.0 2.1 2.2 精選書摘 (2016-08-17)。〈關於奧運及散落於世界各地的「白色大象」們〉。《The News Lens 關鍵評論網》 (中文)。喺2021-07-26搵到。
- ↑ 3.0 3.1 江川 (2018-08-08)。〈【有片】被遺棄的福娃 北京奧運場館十年後變廢墟〉。《香港01》 (香港中文)。喺2021-07-26搵到。
- ↑ 〈08 北京奧運場館歷十年變廢墟！福娃下場好慘情 - ezone.hk - 網絡生活 - 網絡熱話〉。《ezone.hk 即時科技生活》。喺2021-07-26搵到。
- ↑ 5.0 5.1 5.2 〈中國10年前砸1.3兆元 京奧場館 多淪鬼城 ｜ 蘋果新聞網 ｜ 蘋果日報〉。《蘋果新聞網》 (臺灣中文)。2018-08-07。原著喺2021-07-26歸檔。喺2021-07-26搵到。
- ↑ 6.0 6.1 6.2 〈【奧運百科】昔日光芒變廢墟 被時間遺忘的場館〉。hk.sports.yahoo.com (中文)。原著喺2021-07-26歸檔。喺2021-07-26搵到。