《始終有你》係香港政府為香港特區成立10周年紀念製作嘅主題曲，由好多個香港歌手合唱，按演出嘅先後次序有劉德華、譚詠麟、古巨基、陳慧琳、李克勤、容祖兒、陳奕迅、Twins、莫華倫、李龍、尹飛燕同埋郎朗。
隻歌由金培達作曲，陳少琪填詞。喺2007年4月開始一路喺香港電視台嘅黃金時間入面播。政府亦第一次將宣傳影片及MP3檔放喺香港政府網站畀人免費下載，重提供原唱版、純音樂版同卡拉OK版三個唔同嘅版本。
有香港網民改編呢首歌做《福佳始終有你》。
