媛 (中國社會現象)

媛，本來係對女性嘅一個美好稱呼。但喺中國，呢個詞語就用嚟形容一啲女性網絡紅人為咗可以喺社交媒體或者網路直播平台度博出位，特登著啲比較暴露性感，又同有關場合完全不符嘅衣著，然後影相或拍片放上網。

例如，「佛媛」就係指有啲女性網絡紅人會打扮得好誇張，花枝招展咁食齋唸佛，博取大眾目光。轉移場地去到幼稚園門口，相約衣著扮接小朋友放學，就被稱為「幼兒媛」。

亦有啲女性網絡紅人會聲稱自己有嚴重疾病，然後放一啲自己喺醫院嘅相，例如自己著病人衫，手術傷口位置等。但過兩日又話自己好番晒，仲喺度宣傳一啲保健用品。呢啲做法，有啲人叫做「病媛」。

外間抨擊

有啲人對於呢種風氣，持負面態度。例如網絡紅人張吉晶就曾經喺社交媒體話自己有病要住院做手術，期間放咗好多相上網，之後又宣傳保健用品。有啲網民除咗揶揄佢係「病媛」，仲話不如會去做「殯媛」。