子羨
子羨（？—前1076年），尊號帝乙，係商朝第三十任君主（一說第三十一任），係紂王辛老豆，不過唔知佢確實嘅在位時間，比較可信嘅時間係前1101年－前1076年在位[1]。
| 帝乙 | |
|---|---|
 有關祭祀子羨佢「四祀弋卩其卣」嘅銘文。其中，佢畀人叫做「文武帝乙」。 | |
| 在位 | 約前1101年－前1076年 或 前1111年─前1102年 |
| 前任 | 文丁托 |
| 繼任 | 紂王辛 |
| 私人明細 | |
| 仔女 | 微子啟 微仲衍 紂王辛 |
| 全名 | 子羨 |
| 尊號 | 文武帝（唔肯定） |
| 父 | 文丁托 |
| 母 | 唔知 |
生平
編輯佢係文丁托個細仔，大佬係箕子，二佬係比干[2]。後嚟老豆文丁死咗，由佢繼位，成為商朝君主。跟據《史記》嘅說法，商朝響佢上台之後愈嚟愈衰落[2]。響佢繼位第二年，周開始同商打仗[3]。響第三年，周朝發生地震，伐商呢件事因而作罷[4]。響第十年，佢開始同人方（即東夷）打仗[5]。亦有人話佢響晚年遷都去朝歌（即依家嘅河南淇縣）[6]。
歸妹係講子羨佢嫁個妹去西伯姬昌，但係最後都係返歸而算數。
由於先王子托怕周有朝一日會威脅到佢，所以誘騙姬歷過嚟之後即刻監禁佢，從而餓死佢。因呢件事，商周關係惡化。輪到子羨佢嘅時候，人方響度搞搞震，佢驚周會趁機搞事，所以嫁女和親，希望和好。以周嚟講，卦辭征凶，無攸利。但係嗰時周嘅勢力都係唔夠商嚟，如果同商打起仗會對周非常不利，所以和親對周反而仲好。《詩經·大明》都寫有「大邦有子，俔天之妹。文定厥祥，親迎於渭。造舟為梁，不顯其光。[8]」而二女嫁嗰時已經過咗月圓，仲有嬬女伴嫁。不過佢哋無生仔，所以最後二女返歸[8]。
征伐人方
編輯人方係晚商時期一個位於東方、而且好強大嘅方國（即部落），而後嚟周朝就叫人方做東夷[9]。根據甲骨卜辭，響佢在位期間至少同人方打過兩場仗[10]。不過佢響任內都未打低人方，一直到仔紂王辛一代先至打低人方，但就因而造成國力空虛[11]。
傳位
編輯佢有三個仔，分別係大仔啟（即微子）、二仔衍（即微仲）同埋細仔辛（即紂王）。因為大仔啟同埋二仔衍都係庶出，而細仔辛係正室個親生仔，所以就立辛做太子[2]。
不過《呂氏春秋》就話啟同辛其實都係正室生嘅，不過因為正室生啟嗰陣身份只係「妾」，而輪到生辛嗰陣身份係正室[12]。本身子羨佢係想立啟做太子，不過一個太史反對，話「有妻之子，而不可置妾之子。」因而立辛做太子[13][12]。
屋企
編輯老豆：文丁托
攷
編輯- ↑ 《《夏商周斷代工程1996－2000年階段成果報告》》。頁 第61頁。
- ↑ 2.0 2.1 2.2 《《史記·殷本紀》》。
- ↑ 《《太平御覽》八十三引（古本）《竹書紀年》》。
- ↑ 《《呂氏春秋·製樂》》。
- ↑ 李學勤 (1959年)。《《帝乙十祀征人方路程》》。科學出版社。
- ↑ 《《帝王世紀》》。
- ↑ 顧頡剛 (1929年)。《《周易卦爻辭中的故事》》。燕京學報。
- ↑ 8.0 8.1 8.2 〈《易經》破譯（十）：帝乙歸妹的秘密〉 (香港中文)。原著喺2020-08-01歸檔。喺2020-08-01搵到。
- ↑ 历史趣闻。〈商朝君主子羡_帝乙简介〉。原著喺2019年11月1號歸檔。
- ↑ 《《中華上古史》》。頁 386頁。
- ↑ 《《左傳·昭公十一年》》。
- ↑ 12.0 12.1 《《呂氏春秋·卷十一》》。
- ↑ 《《呂氏春秋·當務》》。