學宮街

學宮街（粵拼：hok6 gung1 gaai1）係中國廣東省廣州市一條有歷史特色嘅內街巷。喺越秀區嘅米市路同解放中路之間。

學宮街嘅東牌坊

名

内文：南海學宮同廣州市南海中學

南海學宮嘅紀念坊

元朝到清朝，呢度有南海學宮，所以得名。

歷史

明朝中葉，倫文敘喺度讀過書。而南海中學喺1907年開始創辦，最初嗰時就喺南海學宮入面整過間學校，不過後嚟搬咗去蘆荻東嘅報資寺（西華路嗰邊）入面。

簡況

學宮街全景（2014年10月10號影）

呢條街係1918年拆廣州城開馬路而搞嘅內街，有200幾米長，條街窄，凈係得4米幾闊。

特色

街兩邊係高樓，入面有廣東省環保廳、廣州市家用電器公司、廣州市中學教師等宿舍同埋學宮街幼稚園，所以呢條街比較窄。而呢條街嘅西邊地區重見到廣東省統戰部、廣東省宗教局、及廣東省工商聯等宿舍或辦公樓。呢條街亦保留咗古木參天嘅景同深宅大院嘅格局。喺民國初期，呢度做過廣州軍區廣州總醫院嘅院址，後嚟搬咗去而家嘅流花湖公園東北邊嘅廣交會展館西邊。