學雷鋒紀念日
由來
編輯睇埋：雷鋒
雷鋒喺1962年8月15號因為俾柞木桿銡爆咗天靈蓋過身之後，佢寫啲日記陸續噉俾部分新聞媒體報道，連嗰時份《中國青年》雜誌覺得佢係位模範，打算喺1963年3月2號出本合刊嚟介紹雷鋒啲事。1963年2月17號，《中國青年》雜誌啲人向毛澤東寫咗封信，希望佢幫雷鋒做題詞。毛澤東睇咗之後，話雷鋒都係從人民利益出發兼全心全意為人民服務，而寫咗「向雷鋒同志學習」嘅出名題詞。同年3月2號，毛主席寫嘅題詞好快寫咗入《中國青年》雜誌，兩日後亦俾新華社發咗通稿，過咗日又俾中國大陸各大報紙都寫咗毛主席「向雷鋒同志學習」嘅題詞。後嚟中共中央決定將每年3月5號做雷鋒紀念日。