安基阿盧斯戰役 (708年)

安基阿盧斯戰役（保加利亞文：Битката при Анхиало）係708年喺現今保加利亞波摩萊鎮（42°33′N 27°39′E）附近嘅一場戰役。係拜占庭－保加利亞戰爭中三次安基阿盧斯戰役中嘅第一場戰役，其後兩場分別喺763年同917年。

安基阿盧斯戰役
拜占庭－保加利亞戰爭嘅一部分
日期： 708年 地點： 安基阿盧斯 結果： 保加利亞大勝
參戰方
保加利亞第一帝國	拜占庭帝國
指揮官同領導者
捷爾維爾	查士丁尼二世
兵力
未知	未知
傷亡同損失
未知	慘重

背景

喺705年，保加利亞可汗捷爾維爾協助查士丁尼二世重奪拜占庭帝位，令查士丁尼可以結束成10年嘅流亡生活。為咗表示感激，查士丁尼除咗送咗大量黃金、白銀，重將舊扎戈拉、斯利文同黑海之間嘅「扎戈拉地區」送畀保加利亞人。但係三年之後，查士丁尼又覺得自己有足夠能力吞併同再次統治保加利亞。

戰役

當拜占庭軍隊出發到安基阿盧斯（而家保加利亞東部黑海沿岸嘅波摩萊鎮）一個堡壘並喺該處扎營，竟然冇發覺附近嘅保加利亞軍隊。就喺拜占庭帝士兵四出揾嘢食嘅時候，捷爾維爾同佢嘅騎兵忽然出現，衝向最外圍嘅拜占庭部隊，而佢嘅步兵就進攻軍營。拜占庭士兵唔係戰死就係被人俘虜，而佢哋嘅戰馬同武器就噉益咗保加利亞人，而查士丁尼總算可以同幾個死唔去嘅部下逃返堡壘，之後急急腳坐船返君士坦丁堡。

後果

今次戰役嘅勝利令到保加利亞人得到同保有新嘅領土成幾個世紀咁耐。

到咗711年，拜占庭又發生另一埸騷亂同企圖政變，逼到查士丁尼再次向保加利亞人班救兵，但今次捷爾維爾只係俾咗三千個士兵去幫佢。喺幾次小衝突之後，拜占庭新嘅皇帝菲利皮科斯畀咗保加利亞人安全通行權（大概係定心丹之類），而查士丁尼二世就俾菲利皮科斯處決咗。

參考

• J.B Bury - History of the Later Roman Empire (1889)（英文）
• Byzantine Military（英文）