趙桓

趙桓（1100年5月23號—1161年6月14號），本名趙亶，係北宋第九個皇帝，1126年到1127年在位，跟廟號叫宋欽宗。

趙桓畫像

1115年，宋徽宗立趙桓做皇太子。1125年，金軍入侵北宋。宋徽宗將個皇帝位讓咗畀趙桓，趙桓做咗皇帝，就係宋欽宗，改元靖康。金軍得東路軍去到開封城外，西路軍攻唔陷太原落唔到嚟，東路軍於是退兵。之後金軍再次南下，太原失守，東西兩路金軍會合，開封畀金軍包圍，最後畀金軍攻入，欽宗同徽宗都畀金軍捉咗，金軍立張邦昌做楚帝之後撤軍，押走欽宗同徽宗返番北面。除咗北宋最後兩位皇帝之外，開封仲有好多人都畀金軍捉走，後世就稱之為「靖康之難」。當時北宋大部分地方都冇畀金軍佔領，徽宗另一個仔趙構喺應天府（今日嘅商丘）稱帝，就係宋高宗。

1141年，金熙宗為咗同南宋朝廷達成《紹興議和》，將趙桓嘅封號由「重昏侯」改做「天水郡公」。1156年過身，1161年死訊先至傳到臨安。