完顏永濟
完顏永濟（1168年—1213年9月11號），係大金第七個皇帝，1208年到1213年在位，佢無廟號，但謚號叫做紹，史稱金衛紹王。
生平 編輯
完顏永濟係前一任皇帝金章宗完顏璟阿叔，再前一任皇帝金世宗完顏雍第七仔，阿媽係元妃李氏。金章宗喺1208年十一月病死，因為冇仔在生，就由衛王完顏永濟繼位做皇帝。[1]
依個時候成吉思汗想進攻金朝，就首先進攻臣屬金朝嘅西夏，西夏向金朝求救，完顏永濟唔理。西夏向蒙古屈服之後，成吉思汗由1211年開始大舉進攻金朝，金兵擋唔住。1211年九月，蒙古軍逼近中都，但係因為城防堅固兼且有重兵防守，於是退兵。第二年成吉思汗又再次進攻金朝，一度包圍金西京大同府。同年契丹人耶律留哥喺東北地方起兵反金，幾個月就發展至十幾萬人。耶律留哥依附蒙古，又喺迪吉腦兒（今日嘅遼寧昌圖附近）擊敗六十萬金兵，金朝嘅形勢更加之不妙。
1213年八月，右副元帥胡沙虎殺咗完顏永濟，之後迎立完顏珣做皇帝，就係金宣宗。
1216年，金宣宗封番完顏永濟做衛王，諡曰紹，後世就叫佢做衛紹王。