定向圖

定向圖（Orienteering map），又叫定向地圖，係為定向賽而準備嘅地圖，係定形圖一種，但比地形圖更加詳細，用來幫賽員搵路。

定向圖

定向圖比一般地形圖詳細，會附加標準符號描述地點。符號好直接，唔同人唔同話都睇得明。除咗地形圖有嘅等高綫，定向圖會畫埋森林密度，水文特徵，開揚程度，路徑，高灘，石牆，溝，渠，井，坑，欄，電纜，人工物，樓，大石，同好多地形特徵。定向圖比例為一比萬五或者一萬。

定向圖，非萬國標準圖。張圖用來用做無綫電定向。開始點一樣係三角形，大細同心圓做終點。五控制點中，兩個係隱藏嘅無綫電發射器。發射控制點，係用來賽後分析；ARDF賽員一定會控到發射器。

用途

定向圖係夾埋指南針來用，主要係幫定向賽員完成一咋控制點組成嘅路綫。張圖要準，先至可以試到賽員嘅搵路技巧。定向圖嘅料，應該同賽員要嘅資料好有關係，唔好太多，唔好太少。

史

定向圖

早年玩定向，有乜地圖就用乜地圖，多數都係一國地圖官署出嘅地形圖。後尾會畫一啲專畀定向用嘅圖。呢啲圖通常係一啲定向會畫，係會極之寶貴嘅資源。有規模嘅會有多啲資源，多啲圖，多啲人手，亦都可以搞多啲比賽。

特點

定向圖係專畀定向用，所以會落多啲地形特徵。例如，一搬地形圖唔會記低地上便嘅大石，但係，定向圖就會落埋，因為玩定向要呢啲資料。玩定向，越多地貌特徵就越好，咁先試到賽員搵路技巧。

圖內容

地圖比例係一比萬五，亦可以放大到一比一萬，連帶符號都放大多一半（150%）。有啲特別嘅定向，定向圖會有唔同。圖用五色，各色有各類，地形，石，水澤，草木同人造物。重有技術符號，加額外資料，重有隻色畀加印符號。呢啲符號係有圖例解釋。

等高綫

啡為地形

地形用等高綫表示，高度五米一隔。重會有啲符號畀高灘，山頭，凹地，細凹地，地窿，斷地等。

黑為石

呢組有崖、大石、石堆、石羣等。

藍為水

呢組有湖、塘、河、水道、澤地、同井等等。

草木：白係森林、黃係開揚、綠係難走。

黃綠係草木

呢組講草木。白係易走過嘅森林，綠係望唔嘅穿森林，難走啲，有啲可以慢走，有啲直情走唔過。黃係開揚地。綠直間係多地面草木，但可以睇得穿。

黑為人工物

人工物有路、徑、電纜、石牆、欄、樓等等。

技術符號

有兩個技術符號係必有，一個係磁北，印藍色，另一個係印刷對色位嘅十字綫（register cross）。

其他資料

其他資料會印喺圖上，之不過無定制。呢類有地圖比例，等高綫間距，比例尺。好嘅圖會寫埋測量日、測量比例、版權資料、有份制圖嘅人。

路綫

紫紅為加印符號

路綫相關嘅符號，會加印上圖。符號有起點，控制點，控制點號碼，控制點之間嘅綫，同埋終點。有時重會加印交叉點，禁行嘅路，急救站，茶水站等等。呢啲嘢唔係永久特徵，唔可以印圖時印埋。

相關活動

萬國定向圖規格（International Specification for Orienteering Maps）寫咗行路，單車、滑雪同傷健等定嘅定向圖係點做。呢幾項嘅規格都一樣，只有少少係專項嘅符號，例如滑雪定向會分馬路係咪畀雪冚住。

製圖法

製圖分四步，分別係底圖、實地考察、畫圖同印圖。

底圖

底圖可以係任何用途嘅地形圖，通常係一國嘅測繪處做嘅，亦都可以用高空測量（aerial survey）時，用攝影測量（photgrammetry）勾出來嘅圖。

磁北

製圖人會用地圖投影法將地曲面嘅投射到平面。咁會變定國立地形圖上便嘅格綫。之不過投射會有啲變形，咁格綫查實會同正北差咁啲。而磁北又同正北同格綫又爭啲。例如， 地點一點，北緯52度35分，東經1度10分，佢嘅正北喺格北西便2度33分，而磁北用格北差7度。磁北係唔停咁變，例如上述地點，四年內磁北郁咗半度定向圖因為用磁北，所以底圖要校到同磁北對。

實地考察

實地考察嗰陣，一少部份嘅底圖會貼實嘅測量版上便，上便放張牛油紙（draughting film），用鉛筆畫嘢。最後張圖就有夠準嘅料，可以放喺地圖上便，等賽員用。所以考察員一定要將地徵畫得夠準，確保地形同地圖係一致。如果地圖同地形唔一致，地徵就無用，唔可以放控制點響嗰度。有需要周不時改正地圖，亦其係林地草木係會變樣。

畫圖

校正地形圖

最早嘅定向圖係用地形圖，好似英國測量一比二萬五地圖。呢啲地圖會𠝹到咁大細，人手改正，之後抄印。

手畫定向圖

手畫地圖

手畫地圖，係畫起膠片之上。膠可以蝕入，留墨水在上。一張片要五隻色。唔同嘅點同綫網，可以用預先印有網點嘅預造片，壓挖方式傳到膠片上。一幅圖要畫兩次。用影相法，造成五張正片用來印刷。個種比較簡單，亦唔使咁多專門架生。

刻圖

國立繪圖局以挖圖造圖。用膠片，片一面有層物質唔透光。呢層會用刻刀或挖，造出負片。隻隻實色都要自己嘅膠片，通常用成十張。地圖以成品比例刻制，負片會印出好高質素點網。最終會印成五張正片。過程好易做到好高質素嘅地圖，之不過就用一啲專門嘅架生。

電腦繪圖

電腦軟件可幫手畫電子地圖。其中OCAD係呢方便主要供應商。其軟件可以同OCAD夾，或者共用格式。咁一來路綫，可以夾埋地圖一齊印。

印圖

彩色地圖會交畀印刷公司印，先印五色。印好圖之後，再印加印符號。加印符號另印係因為啲綫比較幼，另印質素好啲，呢個係一般四色印刷（CMYK）做唔好。家下電腦同軟件發達，印嘢成本低，好多定向會會自己印圖，用四色打印機一次過印晒六色，之不過質素無傳統印刷咁好。如果印紙係標準大細，例如A4紙，咁成本會低一啲。重有係印要揀啱紙質，紙重（paper weight）同紙面（paper coating）會影響張圖嘅可用程度。

地圖準度同質素

地圖準度（Map accuracy）係指實地測量員做嘅作品，同測量位置有幾準唔係太大關係，反而張圖對賽員幾有用有關。地圖質素（Map quality）指講地圖嘅藝術質素。有多國嘅機構，都會搞比賽，頒獎畀製圖人。製圖人做嘅作品質素，在於技巧多過架生。

出面網頁

• OCAD
• Interpreting Orienteering Maps