南陽

南陽（減筆字南阳）係中國河南西南一個大城。古時叫宛。因為個城響伏牛山以南，漢水之北（山南或水北叫陽），所以叫南陽。南陽家下係省轄市，叫南陽市，所以周圍都歸入個市。

南陽市家下管1市2區10縣，係河南省轄市之中至大，人口至多，夾埋面積2.66萬平方千米，人口1090萬。而南陽本身有70平方千米，常住人口70萬。南陽市南面貼住湖北省，西面掂到陝西省。