宿松
宿松（粵音：suk1 cung4[1]）係中華人民共和國安徽省安慶市嘅縣。面積2393.53km²，人口81萬（2010年）。
名
編輯宿松地方原名叫「松滋縣」（或者寫成松茲），據《晉書》《太平寰宇記》，晉咸康三年（337年）因為戰亂，有啲松滋人走咗去今日湖北荊州避難，因為人好多設僑郡安置，結果喺荊州整多個松滋縣出來[2]。到隋文帝開皇十八年（598年）爲咗分開呢兩個重名嘅縣，就將舊有嘅松滋縣改名爲宿松縣，意思係「舊松滋縣」。而新嘅松滋發展到今日成為荊州市嘅縣級市松滋市。
政區
編輯宿松轄9個鎮、13個鄉、2個單位
- 鎮：孚玉鎮、復興鎮、匯口鎮、許嶺鎮、下倉鎮、二郎鎮、破涼鎮、涼亭鎮、長鋪鎮
- 鄉：高嶺鄉、程嶺鄉、九姑鄉、千嶺鄉、洲頭鄉、佐壩鄉、北浴鄉、陳漢鄉、隘口鄉、柳坪鄉、趾鳳鄉、河塌鄉、五里鄉
- 單位：九成監獄管理分局、華陽河農場總場