富臨生日宴群組
除非特別寫明，否則本文所有時間都係以UTC+8時間為準。
富臨生日宴群組，簡稱富臨群組，係指喺武漢肺炎香港疫情入面，懷疑因為喺2020年7月9號一齊參與喺屯門中央廣場富臨酒家嘅生日宴而感染武漢肺炎嘅一個感染者群組。呢個群組入面共有44人確診患上武漢肺炎[1]，源頭被懷疑係嚟自同期爆發嘅慶回歸晚會群組[2]。
富臨生日宴群組嘅感染者入面，包括前藝人麥德羅同佢女友劉麗萍。而劉麗萍本身係歌手施匡翹嘅經理人，懷疑因為噉而令施匡翹做咗頭一位確診武漢肺炎嘅現役香港藝人。
睇埋
編輯註
編輯- ↑ 〈富臨群組逾40人確診 衍第四代傳播〉。《明報》。2020-07-27。喺2020-12-14搵到。
- ↑ 〈慶回歸群組增6人感染 屯門富臨負責人被檢控〉。《明報》。2020-07-22。喺2020-12-14搵到。