富豪B6BLE

富豪B6BLE係富豪出嘅一款低地台中型巴士，1998年亮相。佢本來係喺英國蘇格蘭出，不過由2000年開始改喺瑞典出。

富豪B6BLE嘅底盤佈局同之前嘅富豪B6LE相差唔大，引擎依然係富豪D6A，不過頭軸改咗做獨立懸掛。

富豪B6BLE主要係喺英國本土賣。另外有啲富豪B6BLE賣咗去其他地方，包括歐洲大陸、澳洲同埋紐西蘭。

歐盟三型廢氣排放標準自2001年起實施，不過富豪並冇為B6BLE研製歐盟三型引擎。富豪B6BLE喺2001年停產，冇耐之後富豪改以代理身份向英國賣DAF/VDL SB120中型巴士。