寡婦嘅仔復活

寡婦嘅仔復活係《聖經》記載耶穌嘅神蹟之一，記載喺《路加福音》7章11-17節。

聖經譯文

「	過咗冇幾耐，耶穌去一座叫拿因嘅城，佢嘅門徒同一大班人跟佢一齊去。當佢嚟到城門嘅時候，有隊送殯行列出嚟，死者係一個寡婦嘅獨生子，城裏面有好多人同佢一齊送殯。耶穌睇見嗰個寡婦就憐憫佢，對佢話：「唔好喊。」於是耶穌上前㩒住抬架，抬嘅人就企喺度。耶穌話：「年輕人，我吩咐你，起身！」嗰個死人就坐咗起身，開始講嘢，耶穌就將佢交畀佢阿媽。所有人都驚奇，歸榮耀畀上帝，話：「有大先知喺我哋當中出現呀！」又話：「上帝眷顧咗佢嘅百姓！」關於耶穌嘅呢件事就傳遍猶太同周圍嘅地區。	」
——《路加福音》7章11-17節

概覽

耶穌去到拿因城。喺城門口有兩個行列：第一個係入城嘅行列，中心人物係耶穌，喺佢嘅周圍有門徒同極多人跟住佢，佢哋面上充滿喜樂。第二個喺出城嘅行列，中心人物係一具屍體，「有一個死人抬出嚟」，一個寡婦嘅獨生仔死咗，城裏面有好多人同寡婦送殯，佢哋面上充滿悲傷。

兩個行列相遇，「耶穌見到嗰個寡婦，就憐憫佢，對佢話：『唔好喊。』」跟住耶穌上前㩒住抬架話：「年輕人，我吩咐你，起身！」於是佢就翻生。耶穌就將少年人交畀佢阿媽。悲傷嘅出殯行列變成咗歡欣嘅隊伍，悲慘嘅母親轉為喜樂。耶穌經過嘅道路，充滿咗榮耀。