寧波軌道交通

寧波軌道交通即係指中華人民共和國浙江寧波嘅地下鐵系統，佢係由寧波市軌道交通集團有限公司嚟起同負責營運。到2015年10月為止，寧波軌道交通已經開咗兩條綫，全長20.9公里，一共有20座車站。而家重有2條綫喺度起緊，重有3條綫喺度規劃緊。寧波軌道交通係浙江省入面繼杭州地鐵之後，第二個城市軌道交通系統，第一條綫喺2009年起，2014年起好。

開咗嘅綫

寧波軌道交通到而家為止有兩條綫營運緊。

寧波軌道交通1號綫係東西走向嘅地鐵綫，一期喺鄞州區高橋鎮開始，跟住中山路一直行到三江口之後專區寧波東部新城入面，最後去到鄞州區邱隘鎮入面嘅東環南路站，全長20.9公里。