寬仁

(由寬仁親王跳轉過嚟)

寬仁親王(日文:ともひとしんのうTomohito shin nō1946年1月5號2012年6月6號)係日本皇室前成員,三笠宮崇仁親王大仔[1],生前係日本天皇第六順位繼承人,尊稱係「寬仁親王殿下」,花名「鬍子殿下」。

2003年,寬仁親王響高輪格蘭王子大飯店發表演講
由左手面開始係寬仁、阿媽百合子、細佬宜仁、家姐甯子

響2012年因為末期喉癌而死咗,終年六十六歲[1][2]

雖然佢係崇仁親王大仔,本身係要繼承三笠宮當主地位,但係因為佢先前成立「三笠宮 寬仁親王家」,從三笠宮分家,實際上已經唔屬於三笠宮;再加上佢比老豆崇仁仲要早四年死,所以佢嚴格嚟講係唔屬於三笠宮。

生平

1946年1月5號佢響神奈川縣三浦郡葉山町三笠宮御假寓所出世,係崇仁親王同親王妃百合子共同嘅第二個細路,第一個仔。

佢先後入讀聖心女子學院幼稚園、學習院初等科、學習院中高等科,最後入讀學習院大學。響老豆嘅「放任主義」教育下,寬仁自細就唔重視成績,鍾意運動多過讀書。

1966年,由於佢已經夠二十歲,所以就行成人禮,獲封菊花大綬章。

1968年,學習院大學法學部政治學科畢業,攞到政治學士學位。響同年4月去到1970年8月嘅兩年間,佢到英國嘅牛津大學留學,係二戰後第一位出國留學嘅日本皇室成員。留學初期英文差過嚿屎,淨係聽得明某啲日常用語,後嚟先至有改善。佢響留學期間曾經同威爾斯親王查理斯王子愛丁堡公爵菲臘親王見面。

1970年攞到學位之後返日本,後嚟佢亦有份參加1972年冬季奧林匹克運動會同埋嬒沖繩搞嘅1975年世界博覽會。

受到三伯父高松宮宣仁親王影響,寬仁親王都積極參加公共事務,特別關心傷殘人士活動。另外因為留過學,所以亦對國際事務有興趣,曾經出任日英協會名譽總裁。

由於佢認為皇室成員身份有好多框架困住,令到佢曾經響1982年發表「皇籍脫離發言」,引起轟動。大伯昭和天皇就同佢講:「唔好辜負人民對皇室嘅期望,要努力實現佢哋嘅願望。」後嚟寬仁都冇脫離皇室。

病歷

屋企

老婆:信子麻生太郎細妹)

  1. 1.0 1.1 "三笠宮家の寛仁さま逝去 66歳、ヒゲの殿下(写真=共同)". 日本経済新聞 電子版 (日文). 喺2020-06-18搵到.
  2. "日本寬仁親王逝世 享年66". www.yahoo.com (中文). 喺2020-06-18搵到.