寵物善終

寵物善終服務，係處理寵物死後嘅事，包括有寵物遺體接送、寵物清潔、寵物消毒、寵物告別禮、寵物火化或水化，同埋製作骨灰紀念品例如骨灰晶石等。

如果寵物係喺屋企過身，應該將寵物放喺毛巾或者尿墊上面，將佢啲手腳微微彎曲。如果屋企有冰，可以用毛巾包住啲冰，然後放喺寵物個肚同背脊，延遲身體內部嘅變化，盡快聯絡寵物善終服務接收寵物。