寶藏嘅比喻

寶藏嘅比喻係耶穌講嘅一個比喻，記載喺《新約聖經》《馬太福音》第13章第44節。

聖經譯文

「	天國好比財寶藏喺地裏面，有人發現咗就將佢收藏起嚟，然後好開心噉將自己嘅嘢都變賣，去買嗰塊地。	」
——《馬太福音》第13章第44節

解釋

寶藏嘅比喻係馬太福音所特有嘅，重點係講明天國係幾咁寶貴。一個人發現咗非常珍貴嘅嘢，以致佢隨時準備要變賣所有嘅嚟買呢啲珍貴之物。呢個比喻講明人若果明白福音嘅好處，信耶穌可以得永生，會犧牲一切，亦竭力追求。因為上帝嘅國有永恆嘅價值，係值得我哋付上一切代價嚟爭取進入。