寺貝通津

寺貝通津（粵拼：zi2 bui3 tung1 zeon1）係中國廣東省廣州市入面嘅一般馬路。成條馬路好似個希臘文嘅字母「Γ」噉樣，西南邊從廟前直街開始，一直向東去到達道路嗰頭。

寺貝通津 SIBEI TONGJIN

性質： 一般馬路 全長： 0.648公里 行車線： 1車道 西向東嘅單行線 地區： 廣州市越秀區 起點： 廟前直街 終點： 達道路 主要建築： 越秀區教育局 廣州市第七中學 廣州市基督教東山堂

概要

全長648米，闊6米，1車道，凈係可以從西邊向東邊行。

個名點嚟？

其實呢條馬路仔嘅「津」字就係碼頭噉解。喺好耐之前，呢條馬路重係條珠江邊嘅碼頭仔，甚至重喺江邊嘅路仔係俾人改咗個有「通津」呢兩個字嘅名；而呢條馬路仔嘅「寺」字就係舊陣時東山入面嘅東山廟；重有個「貝」字就係「背」字噉解；呢三個名嘅意思挾埋起身，就係「東山寺後面有條路仔可以去到碼頭」噉解。

經過嘅道路

呢度啲路嘅順序係由西去到東嚟排嘅，其中加粗咗嘅字係主幹道：

• 廟前直街
• 松崗東
• 達道路

特色

呢條馬路集中咗喺舊陣時，廣州入面有好多間中西合璧嘅洋樓仔。同舊陣時嘅西關唔同嘅係，呢度多咗間百年名校——廣州市第七中學同華南入面最大嘅基督教堂——東山堂。