專利（粵拼：zyun1 lei6）係專利權嘅簡稱，以排他使用權來換取發明嘅完整公開。哩個排他使用只會一定法定年限（一般係二十年）。專利權係通過向政府申請而獲得。大部分國家都有專利法來保障專利權屬人嘅權益。
專利權具有地域性，即係一個地方獲得嘅專利未必喺另一個地方適用，對於唔同嘅國家更加係噉。另外亦有排他性，可禁止其他人未經權屬人同意，生產、使用、售賣或者約定售賣，同埋進口相關產品或技術。但係反過來持有專利權並唔能夠保證權屬人本身可以隨意生產相關產品或使用相關技術。
專利權一般有時效，過期自動失效，具體時間由法律規定。另外專利嘅內容一般需要公開，避免其他人嘥精力重複研究或者發明一樣嘅嘢。
