尊嚴複數

尊嚴複數（粵拼：zyun1 jim4 fuk1 sou3；英文：majestic plural；拉丁文：pluralis majestatis）係一種代名詞現象，某啲語言（包括古代西亞、歐洲同英文圈等地嘅語言）先有嘅，指一啲好有權力嘅人用眾數代名詞（我哋）嚟指自己，當中「好有權力嘅人」包括君主或者教宗呀噉。

概論

呢幅油畫描繪 1900 年（晚年）嘅維多利亞女皇。

睇埋：代名詞

舉例說明，喺廿一世紀初嘅英文圈，就廣泛噉流傳住一個有關維多利亞女皇（Queen Victoria；1819 - 1901 年，維港個名就係出自佢個名嘅）嘅傳說：話說有一日，維多利亞女皇喺溫莎堡（英國王室嘅家族城堡）嗰度開晚宴，在場嘅王室人員同其他出席者喺度一路食飯一路傾偈交際；期間維多利亞女皇身邊有個人講咗個有啲不雅嘅笑話，維多利亞女皇跟住就噉樣回應 ——

We are not amused.

呢句嘢就噉字面解係「我哋並唔覺得好笑。」噉嘅意思。喺呢句嘢入面，維多利亞女皇表達咗佢自己嘅感受，同時開口用我哋（一隻眾數代名詞）呢隻字詞嚟講嘢，彷彿好似佢代表晒在場嘅人——甚至乎係全英國——講嘢噉嘅樣，展現咗佢幾咁威嚴。喺英文裏面，呢種使用 we 嘅方法又有叫做 royal "we"－即係皇家式嘅「我哋」噉嘅意思。

其他英倫君主都有用過皇家式嘅「我哋」。而喺英倫以外，歐洲第啲地區嘅君主以至係教宗等嘅宗教領袖，都有用過尊嚴複數。

睇埋

• 語言威望
• 雙層語言
• 領導才能

拎

• （英文） Royal "We"，電視橋段網有講尊嚴複數嘅概念。