對林鄭月娥嘅負面評價

對林鄭月娥嘅負面評價，係指對香港第5任行政長官林鄭月娥從政一路以嚟嘅負面評價。其實林鄭響從政一開始嘅評價都係幾好，直至反修例運動之後，一下子就彈多過讚。

777係林鄭其中一個最出名嘅稱呼

想要睇關於林鄭月娥嘅正面評價，請睇「林鄭月娥#正面」。

政務司司長

林鄭月娥響2012年至2017年梁振英政府時期出任政務司司長，嗰陣佢嘅評價係好壞參差嘅。

雨遮革命

2014年雨遮革命，學生佔領咗中環。當時身為政務司司長嘅林鄭，代表政府去同學生對話。但佢畀人批評係「自說自話」，加上佢唔肯聽學生意見，堅持自己嘅立場，令到學生唔肯再談判。

參選行政長官

林鄭響2017年1月2號唔撈司長，之後777票當選特首，但係由嗰陣開始佢個評價已經開始冇咁好。777係佢其中一個最出名嘅稱呼。

打壓新聞自由

佢做行政長官期間，喺未有法庭許可之下凍結咗壹傳媒嘅資產，最後令壹傳媒被逼結業，又對香港電台實行自我審查制度。2021年7月，無國界記者公布「新聞自由掠奪者」37人名單，其中林鄭月娥因為打壓香港人嘅民主同言論自由而榜上有名，佢更被形容係習近平嘅『傀儡』。