導火新聞線
呢篇文講電視劇。想搵呢套劇嘅電影版嘅話，請睇導火新聞線 (電影)。《導火新聞線》（英文：The Menu）係香港電視網絡整嘅社會新聞電視劇，由梁小冰、周家怡、楊淇同王宗堯領銜主演，編審係潘漫紅，總導演係方俊華。呢套戲係「2015年香港電視網絡重頭戲」[1][2]。
故事講一班記者喺面對商業社會嘅現實下，點樣彰顯公義，睇實社會嘅過程。四個主角Alma（梁小冰）、方凝（周家怡）、阿咩（楊淇）同輝爺（王宗堯），喺一份免費報紙《囧報》入面，點樣因為對新聞理念唔同而發生衝突。空降去《囧報》做老總嘅Alma，點樣由一個後生嗰陣特登關懷弱勢社群嘅良心記者，變到唯利是圖，以超級「爆」同「重口味」嘅報道來吸引讀者，甚至自我審查，以各種理由阻止班細嘅深入報道權貴嘅不利消息；以及做記者嘅輝爺，點樣由一個熱血記者，變到一個「迆爆」頹廢男。
呢套戲題材主要探討香港傳媒嘅生存價值，風格寫實，喺劇集前半部更反映記者不為人知嘅辛苦，包括冒住生命危險報道真相，為咗提高報紙銷量擅自換頭版，甚至為咗獨家可以同有權勢嘅人做檯底交易等内容。呢套戲雖然係一套喺2013年殺青嘅戲，但係劇入面出現嘅暗角打人、老總俾人斬、大報社換頭版等等嘅情節，竟然喺下一年一一中嗮，所以俾香港網友叫做「先知劇」、「神劇」[3][4][5]。
創作沿革 編輯
籌備同片花 編輯
《導火新聞線》嘅劇本喺2012年開始籌備。香港電視網絡主席王維基覺得，佢俾咗佢班最大嘅創作自由空間，結果創作團隊交咗兩個劇本，其中一個係講中港矛盾嘅《來生不做香港人》；另一個就係《導火新聞綫》，講述報館入面唔同理念嘅記者，喺新聞道德同報紙銷量之間做個取捨，甚至發生兩方面衝突嘅故事。王維基話，當時佢冇考慮題材嘅敏感性，只係擔心劇集會唔會俾觀眾覺得「離地」，可唔可以引起香港人的共鳴和反思。[6]
《導火新聞線》喺2013年3月20號開始拍，喺當年8月28號殺青。不過喺拍之前，網上已經流傳《導火新聞線》嘅片段花絮[7]。片花全長分半鐘，內容講梁小冰扮嘅Alma，反問周家怡扮嘅高級記者（片入面冇名），點大家同期入行，周家怡嘅職位點解一尐都冇升。
香港電視網絡喺2014年10月26號喺YouTube上載《導火新聞線》嘅正式片段花絮[8]，片段全長一分鐘，主要係講汪海藍（梁小冰）覺得報導新聞嘅原則，就是讀者鍾意睇嘅故事，就值得去做，冇人睇嘅報紙，就冇生存空間。另外片入面重加咗車禍、爆炸、追料同當街斬人等場景，最後用「唔好諗住公器私用，香港重有新聞自由」做結尾。
角色 編輯
預言 編輯
- 劉進圖遇襲
- 警察暗角打人
- 唐英年大宅僭建
參考 編輯
- ↑ HKTV劇《導火新聞線》劇情介紹
- ↑ 蘋果日報：梁小冰晒金句寸舊東家 互聯網檔案館嘅歸檔，歸檔日期2017年8月25號，.，2015年3月6日
- ↑ 大紀元時報：香港電視《導火新聞線》 預中香港重大事件，2015年3月17日
- ↑ 蘋果日報即時娛樂：【《導火》變先知劇】陸駿光暗角被打 遭禁披露黑警不法事 互聯網檔案館嘅歸檔，歸檔日期2015年7月20號，.，2015年3月14日
- ↑ 大紀元時報：恰巧吻合現實《導火新聞線》被稱預言劇，2015年3月16日
- ↑ 晴報王維基專欄：超乎幻想的現實 互聯網檔案館嘅歸檔，歸檔日期2016年3月5號，.，2015年3月10日
- ↑ YouTube：HKTV series Conduct Fire in the News Line trailer 導火新聞線，2012年12月6號
- ↑ YouTube：《HKTV 一分鐘精選》 導火新聞線，2014年10月26日
