小先知書

《小先知書》又叫《十二先知書》係《舊約聖經》篇幅較短嘅先知書，「小」同內容重要性冇關。包括《何西阿書》、《約珥書》、《阿摩司書》、《俄巴底亞書》、《約拿書》、《彌迦書》、《那鴻書》、《哈巴谷書》、《西番雅書》、《哈該書》、《撒迦利亞書》、《瑪拉基書》。

簡介

十二小先知嘅使命並唔輕過四大先知，事實上每一位先知都有唔同而且重要嘅任務。無論喺被擄前、被擄嗰陣同被擄之後嘅每位先知，佢哋都宣講咗耶和華嘅旨意，把握住佢哋嘅時代，亦都影響下一代。十二小先知書嘅信息、內容，所包含嘅時代前後歷時四百幾年，內容有七點：

1. 指責以色列人拜假神偶像
2. 指責以色列人唔守安息日
3. 指責君王唔守律法行惡事
4. 指責列國拜偶像欺壓選民
5. 勸以色列人悔改就一定會蒙恩
6. 應許彌賽亞國來臨來統治
7. 鼓勵以色列人返國重建城殿

十二小先知書中嘅預言，係向以色列人所講嘅，雖然有提到其他國家，不過都係同以色列國有關嘅幾個國家，其他嘅都未提到，小先知書亦未提到教會，因為教會喺嗰陣重未產生。小先知書中所講嘅重點：

1. 警告百姓盡快悔改，唔係就會被擄
2. 預言基督降生並且再來，同埋基督喺呢個世界嘅地位同服事
3. 上帝嘅應許最終一定會成就，以色列民雖然因為罪而受責罰，不過最終都蒙上帝憐愛以色列全家得救
4. 彌賽亞將成為萬王之王。