小掩位

小掩位（粵拼：siu2 jim2 wai2，有寫做「小腌」、「小厴」，英文：Loin）係指人體喺肋同髖之間嘅部分，係腹部嘅一部分。小掩位指嘅係身體嘅一個位置，冇「小掩」呢個器官。

小掩位

小掩位本義係指髖關節對上嘅軟組織，包含嗰道嘅皮膚、肌肉、腸臟。不過由於小掩位同胯下好近，所以有時會暗喻性器官。

廣東話嘅「小掩位」淨係指人類嘅身體位置，但係好多語言嘅對應概念可以用埋同一個詞嚟講其他哺乳類動物，例如英文 Loin 可以解豬、牛嘅對應部位。西冷牛扒個「西冷sai1 laang1」出自英文 Sirloin，即係「（牛嘅）小掩上部」。