小欖醫院

小欖醫院（英文：Siu Lam Hospital）係香港醫院管理局轄下一間療養同康復醫院，隸屬新界西醫院聯網，專門為嚴重智障同無法獨立生活嘅病人，提供高度護理服務。小欖醫院喺1972年創辦，2012年4月搬到而家地址係新界屯門區小欖青松觀路15號。

簡介編輯

小欖醫院喺1972年成立，係香港唯一一間專為16歲或以上嚴重智障人士提供全面綜合康復同療養服務嘅醫院。除咗一般醫療同精神科治療之外，亦提供護理服務、職業治療、物理治療、義肢同矯形服務、醫務社工服務同智能教育訓練。此外，醫院嘅外展隊透過家居探訪，協助正輪候弱智療養服務嘅人士持續喺社區生活。

為進一步幫助病人嘅治療同康復，醫院營造一個寬敞舒適嘅環境，並設有整合嘅醫療設備，例如特別坐椅、輔助儀器、病人吊運系統、多官能感官室、電腦輔助復康訓練室同復康花園等，優化病人護理。