小洲便橋

小洲便橋（粵拼：siu2 zau1 bin6 kiu4）係中國廣東廣州地區，連接海珠區東南角嘅小洲同番禺區嘅大學城嘅橋樑，2003年起好。

長度

橋長大概325米，闊10.9米，橋面雙向2車道。

史

初期未有呢條橋時，小谷圍當地居民出入海珠區時必須要坐船先至到。直到2003年，廣州市人民政府話要開發大學城，先至搞咗呢條橋方便街坊出入海珠區同番禺小谷圍，結果條橋喺嗰年起好咗。

直到2013年，海珠區人民政府話呢條橋嘅結構出現唔同程度生鏽，加上承載能力好多時超負荷運轉而搞出嚴重嘅安全隱患。當年1月8號，海珠區人民政府將呢條橋臨時封閉咗23日嚟搞全面評估，話條橋好崖广ngaa4 jin1，要拆咗佢先得。檢測結果重喺當年3月21號上交咗俾廣州建委，重批准話拆咗條橋，而拆除工作重要同番禺區人民政府、廣州大學城方傾下先至得，計劃喺同年7月拆咗條橋。

2013年7月7號，喺大學城嘅華師、華農同廣工讀書啲學生同騎行發燒友喺條橋附近搞行為藝術嚟抗議，話反對拆小洲便橋。由於建設部門考慮到原嚟嘅規劃冇講到海珠區東南角嘅小洲到大學城西南地區搞條橋出嚟，加上整條橋會影響航道，聽咗大學城啲街坊同讀書啲學生意見之後，决定喺小洲便橋隔籬起條新橋，但最後一直冇下文。後嚟政府為咗慳錢同縮短工期，重解決小洲村同大學城啲街坊、學生啲出行問題，建設單位經過綜合海事同港務等單位意見，最後向市政府改變計劃，將小洲便橋搞維修加固。

2014年2月28號夜半時分開始，條橋正式封閉搞大修，直到2014年8月21號重新開放。