小港關帝廟
舊廟歷史
編輯小港關帝廟喺明朝起，又分別喺清康熙八年（1669年）擴建[2]、乾隆十二年（1747年）重修[2]、嘉慶八年（1803年）增修[2]、光緒三年（1877年）重修[1]。清朝嗰時，關帝廟建築群雄偉巍峨，規模宏大，佔咗十幾畝地，有文昌殿、聖親殿[1]同崇聖祠[2]等嘅建築。廟外邊棟塊碑，上面有嘉慶十年（1805年）寫嘅「增修關帝古廟碑記」[3]。民國時期，關帝廟做咗小學（雲桂大街小學前身）[1]，後嚟拆埋。
爾座廟係廣州三大關帝廟之一（另外兩個係禺山關帝廟、越秀山武帝廟[4]），以前小港關帝廟搞關帝誕，河南各個鄉嘅龍船都扒嚟爾座廟道。爾座廟重搞「勝燈會」，會友要畀一緡，拜完關帝之後可以攞紅燈籠、燒肉、包返屋架，將燈籠掛響門口，攞個好意頭[5]。
清末民初嗰時，小港關帝廟酬神演戲，廣州對聯高手何淡如題寫戲棚聯[6]：
滚滚江山祗為大花面爭權國老無能終散局
紛紛世界怎得正武生掌印姦臣盡滅始收科
新廟
編輯2013年，有政府嘅支持，關帝廟喺橋東村鴨墩街嘅橋東排灌站（俗稱馬涌閘房，喺原址嘅東邊）起返，搞埋遷廟儀式，由小港父老請返關帝入新廟[1]。新廟靠涌邊，規模好細。2015年，新廟正式竣工，香火鼎盛。
攷
編輯- ↑ 1.0 1.1 1.2 1.3 1.4 1.5 聯星小港龍船會編 (2014)。《原址關帝廟和現址關帝廟》。廣州海珠區鴨墩街。
- ↑ 2.0 2.1 2.2 2.3 謝蘭生 (1805)。《增修關帝古廟碑記》。原關帝廟門外。
- ↑ 黃任恆 (2012)。黃佛頤 (編)。《番禺河南小志》。廣州：廣東人民出版社。頁 第320-321頁。ISBN 978-7-218-07096-4。
- ↑ 〈羊城街巷:關帝廟與街巷〉。《中國廣州發布》。看看新聞。2013年11月28號。原著喺2016年3月4號歸檔。喺2015年7月29號搵到。
- ↑ 〈幾多關帝廟，孤影留城中〉。《南方都市報》。南都網。2013年12月21號。喺2015年7月29號搵到。
{{cite web}}: CS1 maint: url-status (link) - ↑ 〈何淡如題廣東省廣州河南關帝廟酬神演戲戲棚對聯〉。博才網。2013年2月7號。原著喺2016年3月5號歸檔。喺2015年7月29號搵到。