小菴山

小菴山（英文Siu Om Shan），又寫小庵山，香港一地一山一村，喺林村南便山中，大菴再南。

小菴山，高二百四十五米。山東面有小菴山村，山西面有大菴山村，兩者有石砌古道相連。

小菴山村，有溫氏祠堂，不過村中多荒廢，村民多搬去龍丫排同白田崗，都係林村入便。龍丫排村民仍會返祖村拜祭。

小菴山村，歸入大埔鄉事委員會，雖然係廢屋，香港政府仍劃咗範圍，用以村代表選舉。

社山河喺小奄山東面山谷流過。故此小奄山同社山河之間，開過梯田，不過已畀樹林埋沒。

路徑

小菴山村有好幾條途徑，唔少係舊日村民古道，之不過由於村屋荒廢，無村民行，亦非行山熱門，山徑為草木所侵。

一，由林錦公路入，經大菴路入大菴，有水泥山徑入大菴山村，再行山石砌古道入小菴山村。

二，由林錦公路，入社山路，有支路入田寮下，再有路入龍丫排，山路經大輋地、上馬石，到小菴山村。

三，由石蓮路到𡰪，蓮坳村尾，過涌，向田寮下行，喺坳處，轉往西面山脊，一直以電綫塔為指標西行，過電綫塔，再西望下一個電綫塔，過谷向西行就係小菴村。