小遊戲

小遊戲（英文：minigame，呢個英文名近似粵拼：min1 ni1 gem1）指（好多時置入喺另一隻遊戲內部）嘅簡單遊戲。喺一隻電子遊戲進行嘅中途，可能會有一段仔係突然間個規則唔同嗮嘅，而呢一段仔好短，衹係個遊戲嘅一小部份，就係一隻小遊戲；例如係喺一隻冒險遊戲裏面，可能故仔嘅主角去到某個地方嗰時，隻遊戲會（經過一啲對話之後）跳去一個唔同嘅畫面，要玩家玩一個短得嚟簡單嘅釣魚遊戲（而釣魚多數同故仔劇情有關）－呢個釣魚遊戲就係一個小遊戲。亦都有啲小遊戲係獨立嘅。