少寶與文狄
《少寶與文狄》（英文：Siubo And Dominic）係香港一個聲音廣播清談節目，由陳少寶、杜文狄主持，由2020年11月開始到2024年5月11號，逢禮拜六22:20到00:00喺香港電台第一台播出。
腰斬事件
編輯2024年5月10號，陳少寶喺社交平台透露《少寶與文狄》將會被安排喺月底結束，但唔知咩原因，提議聽眾可以向香港電台查詢。陳少寶又同傳媒講，話畀香港電台管理層批評佢「口齒不清」，對於有接近五十年播音經驗嘅佢，認為係「侮辱」、「莫須有罪名」。同月18號，香港電台以佢「慫恿聽眾投訴」、「違反合約」做理由而即時終止合作，佢主持嘅《少寶與文狄》同另一節目《播好音樂》亦即時停播。