屙屎
屙屎（㢌屎，粵拼：o1 si2；學術：排便）就係生物將體內嘅固體（屎），半固體或液體廢物通過消化道尾嘅屎窟窿整出體外嘅過程／行為。人屙屎屙尿一般會去廁所。
正常人屙屎嘅次數有多有少，由一日幾次到一個禮拜幾次都有。大腸肌肉郁動將啲屎推去屎窟窿叫「蠕動」。如果屙咗啲水汪汪嘅屎就叫肚痾，而成日屙唔出屎，就叫「便秘」。
原理
編輯當食物嘅殘渣經過咗結腸，就會去到直腸。當啲屎喺直腸積聚嗰陣，大腦就會發出急屎嘅訊號。屙屎嗰陣，大腸會有一系列嘅蠕動，推啲屎出嚟。
又叫
編輯香港有啲人覺得講「屙屎」粗俗，所以避開直接講。同細路講用「屙啡啡」、「屙便便」（即係大便）、「屙 poo poo」（en:poo 即係英文嘅屎）。大人講「去大便」、「去大解」、「踎塔」、「爆石」、「去解決」、「做大事」......
又雅稱「出恭」，睇結恭。
別字
編輯有人會將【屙】同【痾】攞亂寫。【痾】從【疒】部，係種病，即係肚痾。