山嘴（粵拼：saan1 zeoi2），原寫山觜，又寫山咀，指山嘅山腳，打橫突出來嘅尖頭。一般喺山區V形谷地，向河流突出又同山嶺相連嘅山坡帶。亦可以喺兩個山坑之間凸出嘅部分。兩個山嘴之間凹落去嘅叫山窩。
地理學上分山嘴有交錯山嘴、曲流山嘴、削平山嘴[1]。呢三種類型山嘴有以下定義[2]：
- 交錯山嘴：喺河谷兩側交錯排列嘅山嘴。
- 曲流山嘴：深切河谷兩岸形成嘅山嘴。
- 削平山嘴：山嘴形成後，畀河水削平。
喺地形圖上，山嘴嘅等高綫呈V字形，V字尖嘴對嘅係低地[3]。
- ↑ 馬永立 (1983年)。《地理學詞典》。上海：上海辭書出版社。
- ↑ 楊展覽，李希聖，黃偉雄 (1992年)。《地理學大辭典》。安徽：安徽人民出版社。頁 177。
- ↑ 〈等高線及地勢〉 (PDF)。hkedcity.net。原著 (PDF)喺2017年12月15號歸檔。喺2017年11月2號搵到。
