岸田文雄襲擊事件

岸田文雄襲擊事件係一單響2023年4月15號喺和歌山縣和歌山市雜賀崎漁港，內閣總理大臣岸田文雄嘅一次選舉演說度，有男子掟咗支管狀爆彈嘅事。

嫌疑人

涉案嫌疑人係一個24歲男性木村隆二，居住喺兵庫縣川西市。佢被當地居民同現場警員制伏，即場被警察以涉嫌武力妨礙公務罪名作現行犯逮捕，目前佢行兇嘅動機仍然係不明確。疑犯表示：「等律師嚟，我再講」。警方已經喺現場扣押咗2枚管狀爆炸物，其中1枚喺現場爆炸，另外1枚喺警方制伏疑犯時查獲。

木村隆二對日本嘅選舉制度懷有不滿。他曾經試圖參加2022年7月嘅第26屆日本參議院議員通常選舉，但年齡未達到《公職選舉法》規定嘅30歲，亦都無法繳納300萬日元保證金。佢喺2022年6月起訴，要求國家賠償其10萬日元的精神損失費。佢認為這咁樣嘅限制違反了憲法賦予成年公民嘅選舉權利，仲認為安倍晉三國葬由內閣強行決定，「呢種對民主主義嘅挑戰係唔可以被容許。」2022年11月，神戶地方裁判所駁回了佢嘅訴訟，佢又喺12月向大阪高等裁判所上訴。