工作，努力吧!
《工作，努力吧！》（《日文：
全劇共12集。女優稻森泉有份參與演出，飾演女侍應。呢個配音名單係當時有線電視喺節目尾段消音器出嘅配音名單。1997年，有線電視娛樂台（12頻道）播出日劇《工作，努力吧》。
內容
編輯故仔講女主角細井千晶（西田光 飾演）啱啱入電視台做嘢，佢原本係想做編劇或導演，但被安排去資訊節目部門當幕後工作人員做跑腿，多次申請調職都不獲接納。有日，佢趕去直播室運送訪問錄影帶途中，原先想搭𨋢嘅，但因為佢入到去就有超重警報，佢只好死死氣咁行出𨋢。男主角鮫島徹（館廣司 飾演）喺升降機內笑千晶肥而改佢花名叫「肥妹仔」，令千晶要跑樓梯，但上到去個記者臨時話唔要嗰餅錄影帶，因為改咗播放程序，佢好嬲男主角，自此勢成水火。
呢個時候，資訊節目部想開一個新節目《Monday 21》，但原先想搵嘅男主持有私生女嘅不良新聞，影響形象，而焗住換人。監製就想搵當時正人氣下滑兼臭脾氣嘅棒球員做主持，正係男主角鮫島徹。
鮫島徹一向都係花花公子，成日去識女仔，除咗女主角千晶之外，個個女人都俾佢電暈晒。佢經常對女仔講嘅說話有：
- 如果初次見面握手，佢會話：「我想…一直咁握住你嘅手！」（去到大結局，佢同女主角千晶講：「我想…永遠咁握住你嘅手！」）
- 如果喺酒吧飲酒，佢會話：「如果我飲醉咗，妳會點？」
千晶無意中得知原來鮫島徹有個讀高中嘅女 ── 伊藤瞳（友阪理惠 飾演），原來阿瞳媽媽要再嫁，要佢搵爸爸餃島。阿瞳重同千晶講踢爆爸爸嘅秘密，說佢根本係一個滴酒不沾嘅人，飲少少都唔得。鮫島平時喺酒吧叫嘅「鮫島Special」根本係串通酒保開嘅，嗰杯其實係烏龍茶，係唔會醉，用嚟呃女仔。其他人就以為係特別為佢而調製嘅酒。
演出名單
編輯人物簡介
編輯- 細井千晶（西田光 飾演），花名「肥妹仔」，22歲，自細阿爸病死咗，由阿媽養大。佢暗戀同事阿樁（樁雄司）（高橋克典 飾演）。佢平時最鍾意喺屋企睇錄影帶愛情片，佢最尊敬嘅係仁慈嘅天父（一有咩唔開心就祈禱），佢偶像係柯德莉夏萍，佢間房貼咗柯德莉夏萍嘅海報。
- 鮫島徹（館廣司 飾演），花名「鱷魚佬」，40歲，棒球員。性情暴躁，花花公子一個，換女朋友同佢換名車一樣。最鍾意食甜嘢（但平時扮型話畀人知唔鍾意食甜嘢），尢其係千晶阿媽間甜品屋嘅甜品。
- 伊藤瞳（友阪理惠 飾演），男主角鮫島徹嘅私生女，15歲，高中生；但鮫島徹為免阿瞳破壞佢花花公子嘅形象，叫阿瞳唔好喺人面前叫佢作爸爸。其後阿瞳搬咗去千晶嘅屋企住後，喺人前叫自己做細井瞳，話自己係千晶嘅妹妹，故此人人都以為阿瞳係千晶個妹。阿瞳用call機call千晶時，都會以「13」呢個數字為自己個名，除咗係因為13係代表佢個名之外，重有一個特別含意，佢話因為阿媽講過，喺佢出世無耐，阿爸喺球賽係着13號波衫，之後就打到全壘打，佢對住鏡頭話：「我咁努力都係為咗妳㗎咋！」，佢阿媽話鮫島徹講呢句說話嘅「妳」就係阿瞳。
- 樁雄司（高橋克典 飾演），阿樁，係節目《Monday 21》報導員，佢暗戀女同事木下涼。佢有個壞習慣係全行同事都知嘅，就係一飲醉酒就會錫人，女主角千晶就係因為俾佢飲醉後錫咗，就對佢產生好感。但第二日酒醒後，佢就完全無印象。
- 木下涼（石田百合子 飾演），阿涼，係節目《Monday 21》報導員，做嘢掂。佢起初對阿樁有好感，其後鮫島徹嘅出現，令佢愛上鮫島。
製作人員
編輯主題曲
編輯《ドラマティックに恋して》 by 廣瀨香美
配音名單（主要角色）
編輯| 角色名稱 | 演員 | 配音員（香港） |
|---|---|---|
| 鮫島徹 | 館廣司（舘ひろし） | 梁政平 |
| 細井千晶 | 西田光（西田ひかる） | 陳珮瑤 |
| 樁雄司 | 高橋克典 | 陳廷軒 |
| 木下涼 | 石田百合子（石田ゆり子） | 劉蕙雲 |
| 伊藤瞳 | 友阪理惠（ともさかりえ） | 鄧佩明 |