巴基之星（Pakistan Star），係一匹香港賽馬馬匹，2013年喺德國出世，係2017/2018馬季嘅最受歡迎馬匹、最佳長途馬得主。
2016年7月1號，佢喺沙田馬場首次出賽，雖然出閘慢，但後勁凌厲，狂追十幾個馬位輕鬆贏馬，時人叫做「輸喺起跑線，贏喺終點線」。除咗吸引非馬迷關注，重引發世界各地媒體（包括澳洲、英國同埋巴基斯坦）嘅報導。
2019年年尾，「巴基之星」結束喺香港嘅競賽生涯，第二年（2020年12月3號）轉戰阿聯酋繼續競賽生涯，2021年12月5號，因為第三次比賽途中唔願展步，而响2022年退役，結束競賽生涯，喺澳洲維省Living Legends過住退休生活。
