巴基斯坦各民族

巴基斯坦係一個文化非常之多元化，而且曾經喺歷史上受到中東同中亞影響嘅南亞國家。巴基斯坦境內嘅民族/族群包括咗旁遮普族、普什圖族、信德族、沙拉基族、穆哈吉爾族、俾路支族、帕哈里族、同布拉灰族，以及佔咗一定人口比例嘅喀什米爾族、奇特拉爾人、辛那族、巴爾蒂族、柯希斯塔尼族、托爾瓦利族、哈扎拉族、布魯紹族、瓦罕族、卡拉什族、西迪族、同其他少數民族。

但係巴基斯坦官方嘅人口統計冇將住喺巴基斯坦境內嘅140萬阿富汗公民包含在內，而呢啲阿富汗公民當中絕大部分都係喺1980年代就經已喺巴基斯坦繁衍生息嘅普什圖族、塔吉克族、烏茲別克族、同埋其他少數族裔等等等等。