巴拉圭凱門鱷

巴拉圭凱門鱷（學名Caiman yacare，曾經用過學名Caiman crocodilus yacara）係一種屬於短吻鱷科嘅中型鱷魚。一直以嚟巴拉圭凱門鱷都俾人當係眼鏡凱門鱷嘅亞種，但係而家已被承認係一個獨立嘅品種。主要棲息喺中美洲同南美洲，身長2至3米，以食魚為生。

How to read a taxobox 巴拉圭凱門鱷
瀕危指標
Least concern (LR/lc)
物種分類
界 動物界 門 脊索動物門 綱 爬蟲綱 目 鱷目 科 Alligatoridae 屬 Caiman 種 C. yacare
二元學名
Caiman yacare Daudin, 1802
綠色係分佈地方

外形

巴拉圭凱門鱷嘅背脊呈深橄欖色，個肚顏色淺，呈黃綠色至白色。眼睛上方有非常明顯嘅突出骨狀物。一般巴拉圭凱門鱷可以有兩米長，重60公斤。文獻中記錄到最長嘅一條長2.7米。

習性

巴拉圭凱門鱷主要生活喺淡水度，好少離開水，而且亦只會喺乾旱嘅狀況下先會離開水，將自己收埋喺泥漿裏面。日頭會浮喺水面上，夜晚先活動。成年嘅巴拉圭凱門鱷食魚同其他爬蟲類、兩棲動物同水鳥。鱷公有劃地盤同等級分別。巴拉圭凱門鱷可以有六十歲命，據講有啲甚至去都一百歲。冬季有時巴拉圭凱門鱷會長達兩個月唔食嘢，但係假如食嘢嘅話會狼吞虎嚥。

數量

過去巴拉圭凱門鱷因為佢塊皮而被捕殺，近年嚟由於水利系統嘅建設同發展令佢哋嘅數量反而有所增加，因此今日巴拉圭凱門鱷係一種比較常見嘅爬行動物。

分佈

巴拉圭凱門鱷喺南美洲分佈較廣，喺阿根廷、玻利維亞、巴西同埋巴拉圭都有觀察。佢哋尤其鍾意生活喺水流緩慢、河底淤泥、植物生長多嘅熱帶同埋亞熱帶河流，但佢哋亦生活喺湖泊、池塘同沼澤裏面。佢哋亦曾經喺鹹水裏面俾人觀察到。

繁殖

阿根廷嘅巴拉圭凱門鱷雌鱷達到120至150厘米時、雄鱷達到約160厘米時達到性成熟。雌鱷產14至40個卵，然後將呢啲卵埋喺一個由腐敗嘅植物同埋泥組成嘅丘裏面，呢啲丘唔係喺岸邊就是喺浮起嘅植物上。有時多個雌鱷分享同一個丘一齊抵禦敵人。孵化期平均為85至90日。喺孵化出來之間冇幾耐雌鱷會扒開丘，幫幼鱷破卵。幼鱷黃色至棕色，有深色橫條。孵出後幼鱷依然留喺阿媽身邊，雖然係噉好多幼鱷會成為蛇同美洲蜥蜴嘅美食。幼鱷食昆蟲、軟體動物同甲殼動物，此外佢哋亦鍾意食魚毛。約五年後成熟。