市川團十郎 (第十二代)
第十二代市川團十郎（日文：いちかわ だんじゅうろう，1946年8月6號—2013年2月3號），係日本男歌舞伎。出世名堀越夏雄，藝名柏莛。
| 第十二代市川團十郎 | |
|---|---|
 | |
| 男藝人 | |
| 別名 | 市川夏雄（第一次襲名） 第六代市川新之助（第二次襲名） 第十代市川海老蔵（第三次襲名） 三升屋白治（筆名） 柏莚（藝名） |
| 出世 | 堀越夏雄 1946年8月6號  日本東京都 |
| 死 | 2013年2月3號（66歲） |
| 職業 | 歌舞伎、作家 |
| 仔女 | 市川海老藏 (第十一代) 市川翠扇 (第四代) |
| 父母 | 市川團十郎 (第十一代)（老豆） |
| 屋企人 | 市川壽紅（細妹） |
1946年響東京都出世，係市川團十郎 (第十一代)嘅大仔，下有一個細妹市川壽紅，堂大佬有松本白鸚 (第二代)同中村吉右衛門 (第二代)。七歲嗰年以真名出道，1958年改名叫第六代市川新之助，之後分別響青山學院高等部同日本大學藝術學部畢業。
1969年改名叫第十代市川海老藏，1985年第三次襲名，改名叫第十二代市川團十郎。
2004年宣佈大仔第七代市川新之助將會改名叫「第十一代市川海老藏」，同年團十郎患上白血病，公開活動暫時停止，半年後復出。一年後個病復發，公開活動再一次停止，之後更加有慢性嘅貧血徵狀，因而患上「骨髄異形成症候群」，要接受輸血。2006年3月宣佈復出。2008年因為同細妹嘅「人類白細胞抗原」一樣而接受骨髄移植，而市川嘅血型因而由A型變做O型。2010年以筆名「三升屋白治」出書。
2013年因肺炎而走咗，終年六十六歲。因為佢信神道，所以謐號係「瑞垣珠照彥命」。同年，日本政府為咗紀念佢嘅功績，追贈旭日中綬章同階級「正五位」。
 |