市川雷藏(日文:いちかわ らいぞう),係日本一個曾經存在嘅歌舞伎名跡。定紋係三升入面嘅「雷」,而替紋係棘牡丹。

歷史 編輯

其實市川雷藏除咗第八代之外,其他都唔係太為人所知。後嚟第八代早死,佢老婆同三個仔女都好低調,三個仔女更係冇個入娛樂圈,所以「市川雷藏」呢個名就冇人繼承。

市川雷藏實際上有九代,不過其中一個有關佢嘅資料實在係太少,確認唔到係咪真係有呢個人,所以就剔除咗佢。

屋號呢方面,市川雷藏有一個比較唔尋常嘅情況,就係先前嘅一樣,第五代之後就代代都唔同。第一代第四代、同第六代柏屋第五代櫻屋、第八代係升田屋,而第七代直頭唔知。

歷代市川雷藏 編輯

  • 第一代:市川雷藏 (初代)
  • 第二代:市川雷藏 (第二代)
    • 市川雷藏 (初代)個仔,不過早死。用過嘅名有:市川雛蔵 → 第二代市川雷蔵 (代)[註 1]
  • 第三代:市川雷藏 (第三代)
  • 第四代:市川雷藏 (第四代)
    • 市川團十郎 (第五代)嘅門人之一,後嚟轉到中山久吉門下。用過嘅名有:中山金蔵 → 初代榊山金蔵 → 榊山四郎三郎 → 中山楯蔵 → 第四代市川雷蔵 → 第二代市川男女蔵(小谷屋)
  • 第五代:市川雷藏 (第五代)
  • (市川雷藏)
    • 族譜上面淨係講過佢係響1878年(明治九年)繼承「市川雷藏」呢個名,但係個人基本資料並唔清楚,所以唔納入做市川雷藏。
  • 第六代:市川雷藏 (第六代)
    • 市川團十郎 (第九代)嘅門人之一,廿五歲死咗。用過嘅名有:市川九 → 第六代市川雷蔵 → 鈴木吉蔵 → 第六代市川雷蔵
  • 第七代:市川雷藏 (第七代)
    • 市川團十郎 (第九代)嘅門人之一,係大正中期日本舞踊藤間流嘅其中一個老師。用過嘅名有:市川英太郎 → 第七代市川雷蔵
  • 第八代:市川雷藏 (第八代)

編輯

  1. 因為佢早死,呢個名係後嚟追加嘅,所以多個「代」字
  2. 重用呢個名,不過今次嘅屋號就改做櫻屋