希沃特

希沃特，臺譯西弗（sievert，符號：Sv，簡稱：希）係輻射劑量﹙有效劑量，effective dose﹚嘅國際單位，用嚟量度輻射對人體健康嘅影響。

有效劑量等於吸收劑量（單位：戈瑞，gray）乘輻射權重因子（代表不同種類輻射嘅傷害性），再乘組織權重因子（代表各人體器官或組織對輻射引起嘅生物效應嘅唔同敏感程度﹚。

喺一個指定嘅生物﹙或人體﹚組織，1 希沃特﹙1 Sv﹚嘅輻射吸收劑量當量，所產生嘅生物效應，同 1 戈瑞﹙1 Gy﹚嘅高能量X射線相同。

佢嗰名嚟自瑞典生物物理學家、輻射防護專家羅爾夫·馬克西米利安·希沃特（Rolf Maximilian Sievert）。