希羅底
希羅底 (希臘文：Ἡρῳδιάς, Hērǭdiás；英文：Herodias; c. 15 BC – after AD 39) ，又譯做希羅迪婭或者希律迪亞絲，係羅馬帝國時期，猶太希律王朝（希伯來文：בית הורדוס；英文：Herodian dynasty）既公主[1]。 基督教既著作話施洗約翰既死同佢有關。《聖經·新約·馬太福音》講希羅底指使佢個女（莎樂美；希臘文：Σαλωμη），喺跳舞俾希律王睇，希律王獎佢既時候，話想要施洗約翰既人頭做獎品[2][3]。
家庭關係 編輯
- 亞里多布四世（Aristobulus IV）同百妮基（Berenice）生既女。
- 查爾基斯（Chalkis）國王希律五世（Herod V）、猶太國王希律阿格里帕（Herod Agrippa）、小亞里多布同埋瑪麗安三世（Mariamne III）既姊妹。
婚姻 編輯
.jpg)
希律二世 編輯
希律大帝喺公元前7年處決咗佢自己既仔亞歷山大（Alexander）同埋亞里多布四世，叫希羅底同希律二世（Herod II，希羅底既阿叔）訂婚 。希律大帝既大仔安提帕特二世（Antipater II）反對呢段婚事。安提帕特因為密謀毒害佢老豆俾人發現咗，而喺公元前4年俾人處死咗，希律二世就成為第一順位既繼承人。 但係，當希律大帝發現佢老婆瑪麗安（Mariamne）知道毒害陰謀又無試圖阻止既時候，希律大帝同佢離婚，而且喺佢死之前取消咗佢個仔希律二世既繼承權[4]。
《馬太福音》（Gospel of Matthew）[5] 同《馬可福音》（Gospel of Mark）[6]都有提到希羅底同飛利浦結婚，有啲學者認為同佢結婚既係「希律‧飛利浦」（唔好同希律·飛利浦二世混淆咗）。不過，好多學者唔同意呢個講法，佢哋既論據係路加福音（Gospel of Luke）[7]刪除咗飛利浦呢個名 。因為佢係大祭司西門·波伊斯（Simon Boethus）既孫仔，所以佢可能會俾人叫做佢希律·波伊斯，但係無證據證明啲人用呢個名叫佢。
呢次婚姻，佢哋生咗個女叫做莎樂美。希羅底後來同希律二世離婚（佢哋離婚既時間唔清楚）。根據歷史學家約瑟夫（Flavius Josephus，公元37年—100年）
既說法：
希羅底刻意破壞我哋國家既法律，喺佢老公仲在生既時候離婚，改嫁俾佢老公既兄弟希律·安提帕斯（Herod Antipas）[8]。
希律·安提帕斯 編輯
希羅底既第二任老公係希律·安提帕斯（Herod Antipas；生於公元前20年之前，死於公元39年之後），希律二世（佢既第一任丈夫）既同父異母兄弟。依家啲人知道佢既事跡既原因係佢既改嫁，導致咗施洗約翰（John the Baptist）俾人斬頭同埋「拿撒勒人耶穌」（Jesus of Nazareth）俾人釘十字架。
安提帕斯同佢既第一任老婆法薩埃利斯（Phasaelis），然後娶咗佢兄弟既前妻希羅底。註：法薩埃利斯係納巴泰亞（Nabatea）國王阿雷塔斯四世（Aretas IV）既女）。根據聖經學者既講法，《馬太福音》 同埋《路加福音》，施洗約翰公開批評既婚姻，就係呢件婚事。
除咗引發佢同施洗約翰既衝突之外，呢位分封君主既離婚仲為先前佢哋同阿雷塔斯（Aretas）喺佩雷亞（Perea）同埋納巴泰亞（Nabatea）既邊境領土爭端增添咗個人恩怨。阿雷塔斯派咗支軍隊去懲罰安提帕斯，敘利亞省既輔助部隊亦都加入咗呢項行動。歷史學家約瑟夫話呢啲軍隊係「逃亡者」[9] ，而另一個歷史學家莫夫謝斯·霍列納齊（Movses Khorenatsi）就話佢哋係埃德薩（Edessa）國王阿布加魯斯五世（Abgarus V）既軍隊，指揮官係霍斯蘭·阿爾茲魯尼（Khosran Ardzrouni）[10]。
呢場仗既結果對安提帕斯嚟講係災難性既，羅馬皇帝
提比略（Tiberius）下令反攻，但係喺公元37年提比略死咗之後放棄。公元39年，安提帕斯俾佢既侄子/姐夫阿格里帕一世（Agrippa I）指控密謀反對新羅馬皇帝卡利古拉（Caligula），俾卡利古拉流放咗去高盧（Gaul）。佢臨死既時候，希羅底陪住佢，不過具體死既日子唔清楚，亦唔知道希羅底同佢既第二任老公希律·安提帕斯有冇細路仔[11]。
喺福音書 編輯
喺《馬太福音》同埋《馬可福音》，希羅底喺處決施洗約翰既過程嗰度扮演重要既角色，佢利用嗰女跳舞俾安提帕斯同賓客睇既機會，向安提帕斯要施洗約翰既頭做獎勵。根據《馬可福音》，安提帕斯唔想處死施洗約翰，原因係安提帕斯鍾意聽施洗約翰講道（馬可福音6:20）。另外，安提帕斯可能擔心，如果佢處死施洗約翰，施洗約翰既追隨者會爆發騷亂。而《路加福音》就省略咗呢啲細節。
喺現代學術 編輯
有啲聖經學者質疑福音書係唔係準確咁去描述施洗約翰俾人處決既歷史。有啲解經家認為，福音書裏面講既安提帕斯（Antipas）同埋施洗約翰既鬥爭係對以色列君主亞哈（Ahab ）、耶洗別（Jezebel）、先知以利亞（Elijah）之間既政治同埋宗教鬥爭既某種比喻[12]。
喺中世紀文學 編輯
喺中世紀既歐洲，啲人普遍認為希羅底係所謂女巫崇拜既超自然領袖，將佢同黛安娜（Diana，羅馬神話既月亮女神同埋狩獵女神）、格林童話既《霍勒太太》（德文：Frau Holle）等有超自然能力既人放喺同一類[13]。
喺藝術同埋小說 編輯
希羅底同埋莎樂美兩個人成為中世紀後期同埋文藝復興時期描繪女性力量既常見主題，當中最經典既係希羅底喺希律盛宴（Feast of Herod）既時候，莎樂美將施洗約翰既頭放喺盤上面。
故事、戲劇 編輯
- 《Hérodias》，法國作家福樓拜（Gustave Flaubert）1877年出版既故事 Trois contes 。
- 《莎樂美》，王爾德（Oscar Wilde）1894 年寫既法文戲劇，道格拉斯勳爵（Lord Alfred Douglas）喺1895年翻譯成英文。
- 德裔美國詩人、作家George Sylvester Viereck喺1930 年寫既Salome: The Wandering Jewess. My First 2,000 Years of Love。
音樂 編輯
- 《Hérodiade》係Jules Massenet創作既歌劇，改編自Gustave Flaubert寫既故事。
- 《莎樂美》，理查德·史特勞斯（Richard Strauss）既歌劇，根據王爾德（Oscar Wilde）戲劇改編。
- 《莎樂美》係法國作曲家Antoine Mariotte創作既歌劇，根據王爾德既戲劇改編。
- 喺華格納（Richard Wagner）既歌劇《Parsifal》嗰度，Kundry既女主角喺第二幕嗰度「被揭露」係希羅底。
- 《莎樂美》係愛爾蘭搖滾樂團U2既歌曲。
其他 編輯
- Hérodiade， 保羅·欣德米特（Paul Hindemith）既芭蕾舞
- Hérodiade， Aimé Morot 既油畫
電影 編輯
睇埋 編輯
參考 編輯
- ↑ "Strabo, Geography, Book XVI, Chapter II, section 34". Perseus.tufts.edu. 喺21 April 2019搵到.
- ↑ "Bible Gateway passage: 馬太福音 14 - Chinese Standard Bible (Traditional)". Bible Gateway (英文). 喺2023-12-25搵到.
- ↑ 《馬太福音 14:11 盛其首於盤、付與女、女携之予母、 | 淺文理和合《新約全書》 (淺文理和合新約) | Download The Bible App Now》 (英文).
- ↑ "Herod | Encyclopedia.com". www.encyclopedia.com. 喺2023-12-25搵到.
- ↑ Matthew 14:3 For Herod had laid hold on John, and bound him, and put him in prison for Herodias' sake, his brother Philip's wife. https://en.wikisource.org/wiki/Bible_(King_James)/Matthew#chapter_14
- ↑ Mark 6:17Mark 6:17 For Herod himself had sent forth and laid hold upon John, and bound him in prison for Herodias' sake, his brother Philip's wife: for he had married her. https://en.wikisource.org/wiki/Bible_(King_James)/Mark#chapter_6
- ↑ Luke 3:19Luke 3:19 But Herod the tetrarch, being reproved by him for Herodias his brother Philip's wife, and for all the evils which Herod had done, https://en.wikisource.org/wiki/Bible_(King_James)/Luke#chapter_3
- ↑ Josephus, Flavius (1 October 2001). Antiquities of the Jews. 喺21 April 2019搵到 –透過Gutenberg.org.
- ↑ Josephus, Flavius. The Antiquities of the Jews. p. XVIII.5.1.
- ↑ Moses, Chorene. History of Armenia. p. 2.29.
- ↑ Josephus, Flavius. The Antiquities of the Jews. p. XVIII.7.2.
- ↑ Florence Morgan Gillman, Herodias: At Home In That Fox's Den, p. 84 (Liturgical Press, 2003). ISBN 0-8146-5108-9
- ↑ Ginzburg, Carlo (1990). Ecstasies: Deciphering the witches' sabbath. London: Hutchinson Radius. ISBN 0-09-174024-X.
- ↑ 〈聖血紅顏:演職員,影片信息,演員表,劇情簡介,幕後製作,_中文百科全書〉. www.newton.com.tw. 喺2023-12-25搵到.
- ↑ 〈萬世流芳[美國1965年喬治·斯蒂文斯執導電影]〉. www.jendow.com.tw.
{{cite web}}: CS1 maint: url-status (link) - ↑ 〈《萬世救主》(Jesus of Nazareth)｜DramaQueen電視迷〉. www.dramaqueen.com.tw. 喺2023-12-25搵到.
睇埋 編輯
- Gillman, Florence Morgan. Herodias: At Home in the Fox's Den. Interfaces. Collegeville, Minn.: Liturgical Press, 2003.
- Meier, John P. <i id="mwAT4">A Marginal Jew: Rethinking the Historical Jesus</i>, Volume Two: Mentor, Message and Miracles. Anchor Bible Reference Library, New York: Doubleday, 1994.
- Theissen, Gerd. The Shadow of the Galilean: The Quest of the Historical Jesus in Narrative Form. Philadelphia: Fortress, 1987.
外部連結 編輯
- Herodias, A Dramatic Poem by Joseph Converse Heywood.
- Herodias (third of the Three Tales), by Gustave Flaubert (English).
- 路加福音：https://en.wikisource.org/wiki/Bible_(King_James)/Luke
- 馬可福音：https://en.wikisource.org/wiki/Bible_(King_James)/Mark
- 馬可福音：https://en.wikisource.org/wiki/Bible_(King_James)/Matthew