帝

  想搵第二個意思嘅話，請睇帝 (搞清楚)。

帝係天帝或者王。原本解搭木架祭天。

甲骨文帝字

甲骨文帝有兩種寫法，一種中間以打橫工形，另一種以口形。前者係巨同矩嘅古字，而口就係甲骨文丁字。

唐字

甲骨文帝字，就好似架木或者束木燔，用來祭天。呢個意思，後尾就變成禘字。而個帝字，就引伸解做天帝或者商王。天帝，或者叫上帝，係殷人神明，主人間禍福災祥。而殷人先王亦奉若神明，稱佢哋做帝，好似帝甲咁。

部首

《說文解字》歸佢入上部，《康熙字典》就歸佢入亠部。

音

帝中古讀都計切，去，齊韻，端。上古鍚部。