平安夜
想搵歌嘅話，請睇平安夜_(搞清楚)。平安夜（英文：Christmas Eve）係指聖誕之前嗰個夜晚，喺每年嘅12月24號。
根據正式傳統曆法，聖誕其實由平安夜日落開始，因此耶穌出世亦係喺呢一晚。
平安夜傳統係佈置聖誕樹嘅日子（雖然而家通常一早就搞掂），亦都會食大餐。而部份基督教徒就會去做子夜彌撒。另外，傳說聖誕老人呢晚會派禮物畀世界各地嘅細路仔。
稱呼 編輯
平安夜亦都可以叫「聖誕前夕」。另外佢仲有個別稱，叫「聖善夜」，來自《平安夜》呢首歌嘅歌詞，不過好少用。
喺台灣，平安夜會叫「聖誕夜」，但係呢種叫法會造成混淆。喺粵語習慣，全個12月25日都叫聖誕節，所以「聖誕夜」就指聖誕節當日嘅夜晚，即係12月25日晚上。如果將之前嗰日嘅夜晚叫做「聖誕夜」，會令日子出錯。
 |