《幸運是我》（英文：Happiness），係2016年上畫嘅港產片，由惠英紅、陳家樂、劉雅瑟、吳業坤、張繼聰、吳日言、林兆霞、周俊偉、車婉婉、郭穎兒、麥方喬、錢小豪、邵音音主演，羅耀輝執導。套戲主要圍繞住惠英紅飾演嘅腦退化病人。主題曲係由林欣彤翻唱葉德嫻嘅同名歌《幸運是我》。
惠英紅憑呢套戲攞到第36屆香港電影金像獎嘅最佳女主角，而吳業坤就攞到同屆金像獎嘅最佳新演員提名。
